'n Nuwe identiteit is vir spioene beskore.
Naam, nuwe dokumente, selfs gesigsoperasie.
In nuwe lande kan sulke insurgente
... 'n ander lewe begin –
operasie: geen onthou, geen berou.
Met my is dit helaas anders gesteld.
Daar is geen uitkoms vir die digter:
Elke pynlike operasie ónsuksesvol
sleep soos 'n baggerboot vol vrag agterna.
Boonop kenners se menings oor 'n lewe openbaar
geleef, privaat gewaande allemansgoed.
Hoe leef 'n mens die verlede af?
Hoe leef die onverdraagsame onthou jóú af?
Hoe verander jy die vingerafdruk van 'n vers?
Hoe sterf jy die walg, die vroeër digter, af?
Hoe skryf jy die finale lykdig?(less)

Wie was die inspirasie vir die stuk?

DogmaBom ek het geen idee ek het dit raak gelees en dit het tot my gees gespreek en ek wou dit graag hier kom deel met die wat lees, die wat die gees van die digter in sy siel dra,... ek weet net net Leonard Arangies het dit geplaas, kan nie eens onthou waar
Ronel