was dit dalk 'n rokke jagter
nagmerrie monster
wat doodsheid in jou besit,
het hy dalk die prys van sy dade
van jou vrouwees verhaal ?

nou dra jy hierdie gal mantel
wat jy argeloos oral swaai
jy prostitueer jou pyn
soos ware in stegies

was gierigheid jou ondergang
in die gejaag na plesier en roem
van nuuskierigheid is die tronk vol
van gretigheid die kerk leeg
skyn-vroom word verswak

jy verkondig
jy het alles aan jou kant
iets wat jy dink is uniek
maar ek het jou selfbejammering aanskou
wyl trane uit vals oë stort

so jy weet dus ek gaan jou verlaat
weet ek sal nooit terug kyk
gebore vir die doel
wat jou wese so kruisig

so vertel jou leuens,
jou leuens, gerus aan die spieël
soos elke keer tevore
gee vlees aan plastiek geraamtes
gee waarheid aan jou leuens

verbeel jou steeds jy het iets om te gee
geheimsinnig,
nuut en uniek
maar hoeveel van jou is herhaling
soveel reeds in ander ore gefluister
gebruikte goed
as nuut verkoop?

http://youtu.be/hVdWXqtk484

maar hoeveel van jou is herhaling
soveel reeds in ander ore gefluister
gebruikte goed
as nuut verkoop?

ek herhaal jou, en herhaal jou - elke keer bly daar minder van jou oor terwyl ek van jou verhaal en verhaal totdat ons in 'n negatief verkeer en ek maar moedswillig jou skuld laat ophoop.

Ronel - ek verstaan presies waaroor hierdie vers gaan - die agtergrond ingekleur deur ons geselsies elke dan en wan. 'n Puik, allergrootse werk. Ek smeer jou nie jam om die mond nie, hierdie vers is meesterlik. Hierdie is ware digkuns.

Eendag, wanneer ek 'n regte gedig skryf, sou ek wou dat dit soos hierdie lees en voel.

die song van Rodriques het hierdie teweeg gebring,..ek se dankie vir die eer en ja jy verstaan die werk se ander kant